वायु सेवा निगममा जागिर दिने भन्दै ठगी गर्नेको सहयोगी पक्राउ
<p style="text-align: justify;">काठमाडौं। नेपाल वायु सेवा निगमको अधिकृत भन्दै जागिरको प्रलोभन देखाएर ठगी गरेको आरोप लागेका सुरेशकुमार महतोको सहयोगी पक्राउ परेकी छिन्।</p>
<p style="text-align: justify;">महानगरीय प्रहरी वृत्त गौशलाले महतोको सहयोगी सरीता राजवंशीलाई सोमबार पक्राउ गरेको हो। उनलाई हिरासतमा राखेर प्रहरीले अनुसन्धान गरिरहेको छ। </p>
<p style="text-align: justify;">सुरेश र सरीताले नेपाल वायु सेवा निगममा जागिर दिने भन्दै थुप्रै मानिसलाई ठगी गरेको उजुरी आएको वृत्तले जनाएको छ।</p>
<p style="text-align: justify;">वृत्तका प्रहरी निरीक्षक जनकराज ढुङ्गानाका अनुसार मुख्य आरोपी महतो भने फरार छन्। उनको खोजीमा प्रहरी जुटेको छ।</p>
<p style="text-align: justify;">उनीहरूविरुद्ध वृत्तमा पीडितहरूले ठगी र लिखत किर्ते सम्बन्धीको कसूरमा उजुरी दिएका छन्।</p>
<p style="text-align: justify;">प्रहरी स्रोतका अनुसार उनीहरूले केही मानिसहरूबाट दुई करोड बढी रकम ठगी गरेको देखिन आएको जनाएको छ। तर, प्रमाणित हुन बाँकी छ।</p>
<p style="text-align: justify;">उनले ठगी गर्न सरकारी पोशाक र मोटरसाइकलको दुरूपयोग गर्ने गरेको पनि खुलेको वृत्तले जनाएको छ।</p>
.jpg)
