सालकको खपटासहित मैतीदेवीबाट दुईजना पक्राउ
<p>काठमाडाैं। प्रहरीले वन्यजन्तु सालकको खपटासहित दुईजनालाई पक्राउ गरेको छ।</p>
<p>महानगरीय प्रहरी वृत्त सिंहदरबारको टोलीले काठमाडौं महानगरपालिका-२९ स्थित मैतीदेवी पेट्रोलपम्प नजिक गुडिरहेको बा२ज ६५७ नम्बरको भाडाको ट्याक्सीमा सालकको खपटा ओसारपसार गरिरहेको अवस्थामा सोमबार पक्राउ गरेको हो।</p>
<p>महानगरीय प्रहरी परिसर काठमाडौंका प्रवक्ता, प्रहरी नायव उपरीक्षक प्रमेश विष्टले सालकको खपटा ओसारपसार गरेको अभियोगमा सिन्धुपाल्चोकका ३२ वर्षीय राम मिजार र सोही जिल्लाका २७ वर्षीय नवराज मिजारलाई पक्राउ गरिएको जानकारी दिए। </p>
<p>प्रहरीले नवराज मिजारले बोकेको कालो झोलामा रहेको खपटासमेत बरामद गरेको छ।</p>
<p>पक्राउ परेका दुवैजनासँग आवश्यक अनुसन्धान भइरहेको प्रहरीले जनाएको छ ।</p>
प्रतिक्रिया दिनुहोस्
.jpg)
