बन्दुकसहित एक युवक पक्राउ
<p>काठमाडौं। सिन्धुलीको दुधौली नगरपालिका-१२ सिन्कौलीबाट बन्दुकसहित एक जना पक्राउ परेका छन्।</p>
<p>स्थानीय वासिन्दा ३० वर्षका दलबहादुर बुढाथोकीलाई प्रहरीले पक्राउ गर्दा उनका साथी ३२ वर्षे राजन कार्की भने फरार भएका छन्।</p>
<p>इलाका प्रहरी डकाहाको टोलीले २ थान एकनाले भरुवा बन्दुक बोकेर हिडिरहेका बुढाथोकी र कार्कीलाई पक्राउ गर्न खोजेको थियो। तर बुढाथोकी पक्राउ परे पनि राजन भने भाग्न भ्याएको प्रहरीले जनाएको छ। </p>
<p>बुढाथोकीविरुद्ध प्रहरीले हातहतियार खरखजना मुद्दा दर्ता गरी अनुसन्धान थालेको छ। फरार रहेका कार्कीको प्रहरीले खोजी गरिरहेको जनाएको छ।</p>
<p><br />
</p>
प्रतिक्रिया दिनुहोस्
.jpg)
