भरूवा बन्दुक र बारूदसहित चार जना पक्राउ
<p style="text-align: justify;">काठमाडौं। नुवाकोटको विदुर नगरपालिका-८ पिडालबारी जंगलबाट बन्दुकसहित चार जना पक्राउ परेका छन्।</p>
<p style="text-align: justify;">पक्राउ पर्नेमा २७ वर्षीय रवीन तामाङ, २८ वर्षीय अमर तामाङ, १७ वर्षीय र १५ वर्षीय किशोर रहेका छन्।</p>
<p style="text-align: justify;">उनीहरू सबै जना नुवाकोटको मेघाङ गाउँपालिका-३ गोगनेका हुन्।</p>
<p style="text-align: justify;">उनीहरूको साथबाट प्रहरीले दुई नाल भरूवा बन्दुक र बन्दुकमा लाग्ने १०० ग्राम बारूद शुक्रबार दिउँसो बरामद गरेको छ।</p>
<p style="text-align: justify;">जिल्ला प्रहरी कार्यालय नुवाकोटबाट खटिएको प्रहरीले उनीहरूलाई उक्त हातहतियार लिएर हिँडिरहेको अवस्थामा फेला पारी पक्राउ गरेको हो।</p>
<p style="text-align: justify;">प्रहरीले उनीहरूविरूद्ध हातहतियार खरखजना मुद्दा दर्ता गरी अनुसन्धान थाल्ने जनाएको छ।</p>
.jpg)
