चितवन निकुञ्जमा उद्धार गरिएकाे गैँडा मर्यो
<p style="text-align: justify;">चितवन। चितवन राष्ट्रिय निकुञ्जको बबही-माडी सेक्टरअन्तर्गत वन्कट्टा रेञ्जपोष्ट पारी मरुठ खोलामा एउटा गैँडा मरेको छ।</p>
<p style="text-align: justify;">बिहीबार दिउँसो २ बजे घाइते अवस्थामा भेटिएको सो गैँडालाई शुक्रबार उद्धार गरिएको थियो। </p>
<p style="text-align: justify;">निकुञ्जका सूचना अधिकारी लोकेन्द्र अधिकारीका अनुसार उद्धार गरी उपचारका क्रममा राखिएको गैँडा आज बिहान ४ बजे मरेको हो।</p>
<p style="text-align: justify;">सो गैँडा अन्दाजी २५-३० वर्षको भाले रहेको उनले जानकारी दिए।</p>
<p style="text-align: justify;">चुरेमा हिँड्दै गर्दा खोलामा खसेको अनुमान गरिएको छ। सो गैँडाको तीनवटा खुट्टा भाँचिएको थियो।</p>
<p style="text-align: justify;">चालू आर्थिक वर्षमा योसँगै १६ वटा गैँडा मरेका छन्। यसमध्ये चारवटा चोरी शिकारीले मारेका हुन्। <em>रासस</em></p>
.jpg)
