शिकार खेल्न गएका राउटे किशोरको मृत्यु
<p style="text-align: justify;">सुर्खेत। बाँदरको शिकार खेल्न जंगल गएका एक राउटे किशोरको भीरबाट लडेर मृत्यु भएको छ।</p>
<p style="text-align: justify;">सुर्खेतको चिङ्गाड गाउँपालिकाको मेटलामा मंगलबार १६ वर्षीय टेकराज शाहीको भीरबाट लडेर घटनास्थलमै मृत्यु भएको हो।</p>
<p style="text-align: justify;">राउटे समुदायमा कार्यरत सामाजिक कार्यकर्ता लालबहादुर खत्रीले मृतक टेकराजलाई समुदायका अगुवाले मंगलबार साँझै गाडिसकेको बताए। </p>
<p style="text-align: justify;">आफ्ना सदस्यको मृत्यु भएसँगै राउटे समुदाय बस्ती सर्ने तयारीमा जुटेको छ।</p>
<p style="text-align: justify;">राउटेहरूमा समुदायका कुनै सदस्यको मृत्यु भएमा बसाइँ सर्ने प्रचलन छ।</p>
<p style="text-align: justify;">हाल यो समुदाय चिङ्गाड गाउँपालिका-५ मा पर्ने मेटलाखोला किनारमा छ। जंगलमा फिरन्ते जीवन बिताउने लोपोन्मुख राउटे समुदायको सङ्ख्या १४५ छ। <em>रासस</em></p>
.jpg)
