कक्षा १२ को परीक्षा सन्तोषजनक : शिक्षामन्त्री
<p style="text-align: justify;">काठमाडौँ। शिक्षा, विज्ञान तथा प्रविधिमन्त्री गिरीराजमणि पोखरेलले आजदेखि शुरु भएको कक्षा १२ को परीक्षा सन्तोषजनक र व्यवस्थित भएको बताएका छन्।</p>
<p style="text-align: justify;">कोभिड–१९ को जोखिमप्रति सजग हुँदै जनस्वास्थ्यका मापदण्ड पालना गरी ४० नम्बरका लागि लिइएको सो परीक्षाको अनुगमन गर्न आज त्रिपुरेश्वरस्थित विश्व निकेतन माविमा पुगेका मन्त्री पोखरेलले परीक्षाको चुस्त व्यवस्थापनबाट आफू सन्तुष्ट रहेको जनाएका हुन्। सो विद्यालयमा ६७७ परीक्षार्थी सहभागी छन्। </p>
<p style="text-align: justify;">सम्बन्धित विद्यालयमा हाल परीक्षा दिन पायक नपर्ने परीक्षार्थीलाई पायक पर्ने अन्य परीक्षा केन्द्रबाट पनि परीक्षा दिन सकिने व्यवस्था गरिएको छ। परीक्षार्थीले हलमा जानुअघि साबुन पानीले हात धुने र स्यानिटाइजर लगाउने तथा हलमा सामाजिक दूरी कायम गर्ने प्रबन्ध गरिएको छ। कोभिड–१९ को सङ्क्रमण भएका परीक्षार्थीलाई पछि बेग्लै प्रबन्ध गरिने बोर्डले जनाएको छ।</p>
<p style="text-align: justify;">गत वैशाख ८ गतेका लागि तोकिएको परीक्षा कोभिड–१९ र बन्दाबन्दीका कारण स्थगन भएको थियो। परीक्षाका विभिन्न विकल्पमा गृहकार्यपछि नेपाल सरकारको अनुमतिमा राष्ट्रिय परीक्षा बोर्डले कूल १०० मध्ये ४० प्राप्ताङ्कका लागि प्रत्यक्ष परीक्षा, ४० प्राप्ताङ्क कक्षा ११ को नतिजाबाट र २० प्राप्ताङ्क प्रयोगात्मक हुने गरी तय गरिएको छ। </p>
<p style="text-align: justify;">बोर्डले जुन विद्यालयबाट विद्यार्थी पढेका थिए, त्यही विद्यालयमा परीक्षा दिन पाउने (होम सेन्टर)को व्यवस्स्था गरेको छ। परीक्षाका प्रश्नपत्र केन्द्रसमक्ष अनलाइबाट पनि पठाइएको थियो। अनलाइन माध्यमबाट पनि परीक्षा दिन सकिने विकल्पबारेमा पनि सुझाव दिइएकामा यसको विश्वसनीयतामा प्रश्न उठेपछि प्रत्यक्ष परीक्षा सञ्चालन गरिएको हो।</p>
<p style="text-align: right;"><em>रासस</em></p>
<div class="widget-news">
<div class="white-background-news">
<div class="title-2">सिफारिस</div>
<div class="news-snippet"><a class="img-holder sm" href="/news/30128" target="_blank" title="सात महिनापछि परीक्षा दिन पाएका विद्यार्थीको अनुभव : एकातिर डर, अर्कोतिर खुशी"><img alt="" src="https://img.dekhapadhi.de/uploads/posts/150X150/1606223288.Class 12 exam Radiant School.jpg" /></a>
<div class="details">
<h5 class="title"><a href="/news/30128" target="_blank">सात महिनापछि परीक्षा दिन पाएका विद्यार्थीको अनुभव : एकातिर डर, अर्कोतिर खुशी</a></h5>
</div>
</div>
</div>
</div>
<div class="widget-news">
<div class="white-background-news">
<div class="title-2">सिफारिस</div>
<div class="news-snippet"><a class="img-holder sm" href="/news/30071" target="_blank" title="काेराेना महामारीबीच यसरी दिइयाे परीक्षा (फाेटाेफिचर)"><img alt="" src="https://img.dekhapadhi.de/uploads/posts/1606191528.Class12-Exam8.jpg" /></a>
<div class="details">
<h5 class="title"><a href="/news/30071" target="_blank">काेराेना महामारीबीच यसरी दिइयाे परीक्षा (फाेटाेफिचर)</a></h5>
</div>
</div>
</div>
</div>
<p> </p>
प्रतिक्रिया दिनुहोस्
.jpg)
