कुटपिट गरी छिमेकीको हत्या गरेको आरोपमा दुईजना पक्राउ
<p style="text-align: justify;">काठमाडौं। रौतहटमा छिमेकी ५० वर्षीय अमिरी पासवानलाई कुटपिट गरी हत्या गरेको आरोपमा दुई जना पक्राउ परेका छन्।</p>
<p style="text-align: justify;">वृन्दावन नगरपालिका-७ धमौरा गाउँका १९ वर्षीय विकास पासवान र ५५ वर्षीय विन्दा पासवानलाई प्रहरीले सोमबार साँझ पक्राउ गरेको हो। </p>
<p style="text-align: justify;">इलाका प्रहरी कार्यालय गरूडा र प्रहरी चौकी हर्साहाबाट खटिएको प्रहरी टोलीले घटनामा संलग्न उनीहरूलाई पक्राउ गरेको जनाएको छ।</p>
<p style="text-align: justify;">पक्राउ परेकाहरूले मादकपदार्थ सेवन गरी अमिरीमाथि कुटपिट गरेका थिए। कुटपिटपछि गम्भीर घाइते भएका उनको गरूडा सिटी अस्पतालमा उपचारको क्रममा मृत्यु भएको हो। </p>
<p style="text-align: justify;">इलाका प्रहरी कार्यालय गरूडाले अमिरीको हत्यामा संलग्नद्वयविरुद्ध कर्तव्य ज्यान मुद्दा दर्ता गरी अनुसन्धान थालेको जनाएको छ।</p>
.jpg)
