एकै दिन ३२ हजारभन्दा धेरै काठमाडौं उपत्यका भित्रिए
<p style="text-align: justify;">काठमाडौं। पछिल्लो चौबिस घण्टामा बिभिन्न नाकाबाट काठमाडौं उपत्यकामा ६१ हजार ७१० जना यात्रुले आवतजावत गरेका छन्।</p>
<p style="text-align: justify;">ट्राफिक प्रहरीका अनुसार सोमबार विभिन्न नाका प्रयोग गरी ६ हजार ९९६ ओटा सवारी साधनमा ३२ हजार ४१५ जना यात्रु उपत्यका भित्रिएका थिए।</p>
<p style="text-align: justify;">यस्तै, सोही समयमा ६ हजार ७०८ ओटा सवारी साधनमा २९ हजार २९५ जना यात्रु उपत्यकाबाट बाहिरिएको ट्राफिक प्रहरीले जनाएको छ।</p>
<p style="text-align: justify;">ट्राफिक प्रहरीका अनुसार बितेको २४ घण्टामा उपत्यकामा ४० ओटा सवारी दुर्घटना हुँदा २३ जना घाइते भएका छन्। घाइतेहरुको विभिन्न अस्पतालमा उपचार भइरहेको छ।</p>
.jpg)
