मोरङमा सवारी दुर्घटनामा दुईको मृत्यु, तीन जना घाइते
<p>काठमाडौं। मोरङको पथरी शनिश्चरे नगरपालिका–२ जयचोकमा हिजो बेलुकी बस र मोटरसाइकल आपसमा ठोकिँदा मोटरसाइकल चालकको मृत्यु भएको छ।</p>
<p>मोटरसाइकल चालक झापाको मेचीनगर नगरपालिका–९ का ३२ वर्षीय मुकेश प्रसाद पौडेलको मृत्यु भएको हो। गम्भीर घाइते भएका उनको उपचारका क्रममा पथरी अस्पतालमा मृत्यु भएको हो। </p>
<p>पूर्व पश्चिम राजमार्गमा पश्चिमबाट पूर्वतर्फ जाँदै गरेको मे ८ प ६३७७ नम्बरको मोटरसाइकल र विपरित दिशाबाट आउँदै गरेको को १ ख ६८३१ नम्बरको बस हिजो बेलुकी पौने ७ बजे आपसमा ठोकिएका थिए। बस चालकलाई ईलाका प्रहरी कार्यालय पथरीले नियन्त्रणमा लिएको छ।</p>
<p>यस्तै, मोरङकै बेलबारी नगरपालिका–४ मा हिजो साँझ दुईओटा मोटरसाइकल आपसमा ठोकिदा एक जनाको मृत्यु भएको छ। तीन जना घाइते भएका छन्।</p>
<p>पूर्व पश्चिम राजमार्गमा हिजो साँझ साढे ५ बजे प्रदेश १ ०२, ०४२ प ४२१६ र को ३९ प ३८०१ नम्बरको मोटरसाइकल आपसमा ठोकिएका हुन्। </p>
<p>दुर्घटनामा गम्भीर घाइते भएका ३८०१ नम्बरको मोटरसाइकल चालक ३७ वर्षीय नबिन पौडेलको न्युरो अस्पताल विराटनगरमा उपचारको क्रममा मृत्यु भएको हो।</p>
<p>घाइते भएका अन्य तीन जनाको सोही अस्पतालमा उपचार भइरहेको ईलाका प्रहरी कार्यालय बेलबारीले जनाएको छ।</p>
प्रतिक्रिया दिनुहोस्
.jpg)
