बारूदजन्य पद्धार्थसहित ६ जना पक्राउ
<p style="text-align: justify;">काठमाडौं। लमजुङको दोर्दी गाउँपालिका-८ खिँचोक पास्वाराबाट एक जनालाई बारूदजन्य पद्धार्थसहित प्रहरीले पक्राउ गरेको छ।</p>
<p style="text-align: justify;">पक्राउ पर्नेमा ४२ वर्षीय जङ्गबहादुर भण्डारी छन्। उनी रोल्पाको गंगादेव गाउँपालिका वडा नम्बर२ का स्थायी बासिन्दा हुन्। </p>
<p style="text-align: justify;">जिल्ला प्रहरी कार्यालय लमजुङबाट खटिएको प्रहरी टोलीले खिंचोकका मंगल तामाङको घरमा लुकेर बसेको अवस्थामा भण्डारीलाई पक्राउ गरेको हो।</p>
<p style="text-align: justify;">प्रहरीले अन्य पाँच जनालाई पनि पक्राउ गरेको छ। तर, उनीहरूको पहिचान प्रहरीले गोप्य राखेको छ।</p>
<p style="text-align: justify;">उनीहरूको साथबाट प्रहरीले करिब ५ सय ग्राम बारुदजन्य पद्धार्थ, ५ सय ग्राम गन्धक र छर्रा लगायतका सामग्री सहित आइतबार राति बरामद गरेको छ।</p>
<p style="text-align: justify;">उनीहरूविरुद्ध प्रहरीले विस्फोटकजन्य पद्धार्थ कारोबारी सम्बन्धी कसूरमा मुद्दा दर्ता गरी अनुसन्धान थालेको जनाएको छ।</p>
.jpg)
