गेष्ट हाउसमा बसेकी युवतीको कोठाबाट १० किलो लागूऔषध बरामद
<p>काठमाडौं। बागलुङको ढोरपाटन नगरपालिका–१ बुर्तिबाङ बजारमा रहेको निसी भलकोट सन्दीप गेष्ट हाउसको १ नम्बर कोठाबाट १० किलो लागूऔषध जस्तो देखिने कालो पदार्थ प्रहरीले बरामद गरेको छ। </p>
<p>इलाका प्रहरी कार्यालय बुर्तिबाङबाट खटिएको प्रहरी टोलीले युवती बस्ने उक्त कोठाको चाबी फुटाई कोठामा खोजतलास गरेको थियो। सो क्रममा लागूऔषध जस्तो देखिने कालो पदार्थ फेला परेको प्रहरीले जनाएको छ। </p>
<p>कालो पदार्थ फेला परेको कोठामा २८ वर्षीया रमिता घर्तीमगर बस्थिन्। उनी रूकुमको महिकोट गाउँपालिका–२ कि हुन्। </p>
<p>प्रहरीका अनुसार रमिता फरार छिन्। उनको खोजी कार्य प्रहरीले गरिरहेको छ।</p>
प्रतिक्रिया दिनुहोस्
.jpg)
