काठमाडौंको रेस्टुरेन्टबाट लागुऔषधसहित युवक पक्राउ
<p style="text-align: justify;">काठमाडौं। काठमाडौं महानगरपालिका–३१ आलोकनगरमा रहेको फ्रेण्ड रेष्टुरेण्टबाट एक जना युवक लागुऔषधसहित पक्राउ परेका छन्।</p>
<p style="text-align: justify;">२१ वर्षीय विकाश लामा बिहीबार दिउँसो पक्राउ परेका हुन्। उनी काभ्रेको पाँचखाल नगरपालिका–५ अनेकोटका हुन्।</p>
<p style="text-align: justify;">उनको साथबाट प्रहरीले लागुऔषध नाइट्रोभेट ३ सय एम्पुल बरामद गरेको छ। महानगरीय प्रहरी वृत्त नयाँबानेश्वरबाट खटिएको प्रहरीले लामालाई पक्राउ गरेको हो।</p>
<p style="text-align: justify;">प्रहरीले लागुऔषध नियन्त्रण ऐनअन्तर्गत मुद्दा दर्ता गरी अनुसन्धान थालेको जनाएको छ। </p>
.jpg)
