लागूऔषधसहित ५ जना पक्राउ
<p>काठमाडौं। स्याङ्जामा लागूऔषध गाँजासहित चार जना पक्राउ परेका छन्। पक्राउ पर्नेमा पुतलीबजार नगरपालिका–१३ बिसौना बस्ने २५ वर्षीय ख्यामबहादुर विक लगायत छन्।</p>
<p>उनीहरूको साथबाट प्रहरीले करिब दुई किलो लागूऔषध गाँजा बुधबार साँझ बरामद गरेको छ।</p>
<p>विकको घरमा गाँजा रहेको भन्ने खबर प्राप्त हुनासाथ जिल्ला प्रहरी कार्यालय स्याङ्जाबाट खटिएको प्रहरीले उक्त गाँजा सहित उनीहरूलाई पक्राउ गरेको हो। </p>
<p>यस्तै, बाँकेमा पनि प्रहरीले एक जना युवकलाई लागूऔषधसहित पक्राउ गरेको छ। नेपालगञ्ज उपमहानगरपालिका–१५ जमुनाहबाट लागूऔषध २ सय ४० ट्याब्लेट नाइट्रोभ्याटसहित सोही उपमहानगरपालिका–५ बस्ने १८ वर्षीय किशोरलाई बुधबार दिउँसो प्रहरीले पक्राउ गरेको हो।</p>
<p>लागूऔषध नियन्त्रण ब्यूरो र इलाका प्रहरी कार्यालय जमुनाह बाँकेबाट खटिएको प्रहरीले उनलाई जाँच गर्ने क्रममा उक्त लागूऔषध सहित फेला पारी पक्राउ गरेको हो। </p>
<p>उनीहरूविरुद्ध प्रहरीले लागूऔषध नियन्त्रण ऐन अन्तर्गत मुद्दा दर्ता गरी अनुसन्धान थालेको जनाएको छ।</p>
प्रतिक्रिया दिनुहोस्
.jpg)
