कालिज मार्न बन्दुक पड्काउँदा एकजनाको मृत्यु
<p style="text-align: justify;">काठमाडौं । दाङमा कालिज मार्न बन्दुक पड्काउँदा एकजनाको मृत्यु भएको छ।</p>
<p style="text-align: justify;">बंगलाचुली गाउँपालिका वडा नम्बर-३, टाकुरेका ४१ वर्षीय भोजबहादुर घर्ती मगरको मृत्यु भएको हो।</p>
<p style="text-align: justify;">३९ वर्षीय टोपबहादुर घर्तीले कालिज मार्न बन्दुक पड्काएका थिए। तर, भोजबहादुरलाई लाग्दा उनको मंगलबार राति घटनास्थलमै मृत्यु भएको हो।</p>
<p style="text-align: justify;">जिल्ला प्रहरी कार्यालय र इलाका प्रहरी कार्यालय कमिरेचौरबाट खटिएको प्रहरी टोलीले टोपबहादुरलाई बन्दुकसहित पक्राउ गरेको छ।</p>
<p style="text-align: justify;">प्रहरीले उनीविरुद्ध कर्तव्य ज्यानसम्बन्धी कसूर र हातहतियार खरखजानासम्बन्धी कसूरमा मुद्दा दर्ता गरी अनुसन्धान थालेको जनाएको छ।</p>
.jpg)
