ट्याङ्करको ठक्करबाट एक युवकको मृत्यु
<p>काठमाडौं। तेल बोकेको ट्याङ्करको ठक्करबाट महोत्तरीमा एकजनाको मृत्यु भएको छ। </p>
<p>पूर्वबाट पश्चिमतर्फ जाँदै गरेको ग ९ प ५३२१ नम्बरको मोटरसाइकललाई ना ७ ख ३५२१ नम्बरको ट्याङ्करले बुधबार बिहान ठक्कर दिँदा सिन्धुली तीनपाटन गाउँपालिकाका २६ वर्षीय आशालाल परियारको मृत्यु भएको हो। उनी मोटरसाइकलको पछाडि सवार थिए।</p>
<p>सोही ठाउँको भावना पेट्रोल पम्पमा तेल हालेर पोखरातर्फ जाँदै गर्दा सिन्धुली रोडमा ट्याङ्करले मोटरसाइकललाई ठक्कर दिएको थियो।</p>
<p>दुर्घटनामा परी गम्भीर घाइते भएपछि उनलाई बर्दिबासमा रहेको शुभ स्वस्तिक अस्पतालमा उपचारका लागि लगिएको थियो। तर, अस्पतालले उनलाई मृत घोषणा गर्‍यो। </p>
<p>ठक्कर दिने ट्याङ्कर र चालकलाई प्रहरीले नियन्त्रणमा लिएको छ। </p>
प्रतिक्रिया दिनुहोस्
.jpg)
