भेडीगोठमा पसेर भालुले मार्यो भेडा
<p>काठमाडौं। कनकासुन्दरी गाउँपालिका–२ बिताको लेखमा भालुले बाह्र भेडा मारेको छ।</p>
<p>त्यसबाट एकै रातमा रु एक लाख ५० हजारको क्षति भएको छ । गत कात्तिक २९ गते राति १० बजे गोठमा पसेर भालुले भेडा मारेको भेडाधनी रतिमान रावतले बताए।</p>
<p>लामो समयसम्म भेडा पाल्दै आएका उनले तिहारकै बेला यस्तो दशा आइलागेको गुनासो गरे। वर्षौं दिनको मेहनत एकै दिनमा जाँदा रतिमानको परिवारमा दुःख छाएको छ।</p>
<p>रारा राष्ट्रिय निकुञ्जले गर्दा भेडा पाल्नेलाई धेरै घाटा भएको उनी बताउँछन् । निकुञ्जबाट निस्केर भालुले धेरै भेडा मारेको खबर पाउँदा पनि गाउँपालिका भने बेखबर भएको आरोप पनि उनले लगाए।</p>
<p>रासस</p>
प्रतिक्रिया दिनुहोस्
.jpg)
