कौडा खेल्दै गर्दा घरधनीसहित ८ जना पक्राउ
<p style="text-align: justify;">काठमाडौं। धादिङमा कौडा खेलिरहेको अवस्थामा आठ जना पक्राउ परेका छन्।</p>
<p style="text-align: justify;">गजुरी गाउँपालिका-१ गजुरी बजारका ६३ वर्षीय दिलबहादुर घलेको घरमा कौडा खेलिरहेको अवस्थामा घलेसहित आठ जना बिहीबार राति पक्राउ परेका हुन्।</p>
<p style="text-align: justify;">विशेष सूचनाको आधारमा इलाका प्रहरी कार्यालय गजुरीबाट खटिएको प्रहरीले उनीहरूलाई पक्राउ गरेको हो। </p>
<p style="text-align: justify;">उनीहरूको साथबाट प्रहरीले नगद एक लाख एक हजार ८६५ रूपैयाँ बरामद गरेको प्रहरीले जनाएको छ।</p>
<p style="text-align: justify;">उनीहरूलाई प्रहरीले जुवा ऐनअन्तर्गत मुद्दा दर्ता गरी अनुसन्धान थालेको जनाएको छ।</p>
.jpg)
