चितवनकाे इच्छाकामनामा तरकारी सङ्कलन केन्द्र निर्माण
<p>चितवन। चितवनको इच्छाकामना गाउँपालिकाले तरकारी सङ्कलन केन्द्र निर्माण गरेको छ।</p>
<p>किसानले उत्पादन गरेको फलफूल तथा तरकारीजन्य वस्तुको सहज सङ्कलन र बिक्रीका लागि सङ्कलन केन्द्र निर्माण गरिएको हो। </p>
<p>गाउँपालिका अध्यक्ष गीता कुमारी गुरुङले ७८ लाखकाे लगानीमा तरकारी सङ्कलन केन्द्र निर्माण गरिएको बताइन्।</p>
<p>किसानहरुलाई उचित मूल्य दिलाउने र भिडभाड कम हुने गरी व्यवस्थापन गर्न लागिएको उनको भनाइ छ।</p>
<p>किसानहरूबाटै समिति निर्माण गरी केन्द्र सञ्चालन गरिने उनले बताइन्।</p>
<p>तरकारी सङ्कलन केन्द्र नहुँदा तरकारी उत्पादनमा संलग्न किसानले सास्ती खेप्दै आएका थिए।</p>
<p>संकलन केन्द्र स्थापनासँगै तरकारी बजारमा पुर्‍याएर बिक्री गर्न सहज हुने किसानहरू बताउँछन्। <em>रासस</em></p>
प्रतिक्रिया दिनुहोस्
.jpg)
