अवैधरूपमा भारत पसेका चार नेपाली पक्राउ
<p>बैतडी। अवैधरूपमा भारत प्रवेश गरेको भन्दै चार नेपालीलाई भारतीय प्रहरीले पक्राउ गरेको छ।</p>
<p>बैतडीसँग सीमा जोडिएको झुलाघाट नाका बन्द हुँदा महाकाली नदीमा ट्युबबाट भारत प्रवेश गरेका बझाङका चार नेपालीलाई भारतीय प्रहरीले पक्राउ गरेको हो।</p>
<p>पक्राउ पर्नेमा बझाङको बुंगल नगरपालिकाका पुस्कर बोहरा, गजेन्द्र बोहरा, जनक बोहरा र बीरबहादुर बोहरा रहेका भारतीय प्रहरीलाई उदृत गर्दै भारतीय पत्रकार प्रमोद भट्टले जानकारी दिए।</p>
<p>सीमानाका बन्द भएका बेला ट्युबबाट भारत गइरहेका चारजनालाई भारतीय प्रहरी र एसएसबीको संयुक्त टोलीले मंगलबार नियन्त्रणमा लिएको र उनीहरू चारैलाई आज अदालतमा पेश गरिने जनाइएको छ। </p>
<p>सीमानाका झुलाघाट बन्द हुँदा रोजगारीका लागि भारत जानेहरू महाकालीमा ट्युबमार्फत् जाने गरेका छन्।</p>
<p>स्वदेशमा रोजगारी नपाएको भन्दै सयौं मजदुर कोरोना कहरका बीच भारत गइरहेका छन्।</p>
<p>झुलाघाट नाका बन्द हुँदा उनीहरू महाकालीमा ट्युबमार्फत् तरेर भारत जाने गरेका छन्। <em>रासस</em></p>
प्रतिक्रिया दिनुहोस्
.jpg)
