तनहुँमा चितुवा आतङ्कले स्थानीयवासी त्रसित
<p>तनहुँ। तनहुँको बन्दीपुर गाउँपालिका-६, डाँडाछापमा चितुवाको आतङ्कले स्थानीयवासी त्रसित भएका छन्। </p>
<p>चितुवाले घरछेउमै आएर गोठमा बाँधिराखेको खसीबोकालाई आक्रमण गर्न थालेपछि स्थानीयवासी त्रसित भएका हुन्।</p>
<p>शनिबार राति स्थानीयवासी गणेशबहादुर गुरुङको खोरमा चितुवाले पाँचवटा खसीबोकालाई आक्रमण गरेको छ।</p>
<p>स्थानीयवासी सुरेन्द्र गुरुङका अनुसार चितुवाको आक्रमणबाट पाँचवटा खसीबोका मरेको छ। “घरमै आएर चितुवाले आक्रमण गर्न थालेपछि स्थानीयवासी त्रसित भएका छन्,” उनले भने। </p>
<p>वडाध्यक्ष सन्तबहादुर गुरुङले बन्दीपुरमा चितुवाको आतङ्क रहेकाले स्थानीयवासी त्रसित रहेको जानकारी दिए। </p>
<p>“शनिबार रातिको घटना विवरण चाँही मसँग आइपुगेको छैन,” उनले भने, “चितुवाको आतङ्क भने छ।”</p>
<p>उनका अनुसार केही समय अगाडि भने स्थानीयवासीले पालेका खसीबोकालाई चितुवाले आक्रमण गरी मारेको थियो। </p>
<p>जिल्लाका विभिन्न ठाउँमा चितुवाको आतङ्क छ। भानु नगरपालिका, आँबुखैरेनी गाउँपालिका, बन्दीपुर गाउँपालिका, शुक्लागण्डकी नगरपालिकामा चितुवाको आक्रमणबाट बालबालिकासमेत ज्यान गुमाएका छन्। <em>रासस</em></p>
प्रतिक्रिया दिनुहोस्
.jpg)
