आगलागीबाट साढे १३ लाख बढीको क्षति
<p>काठमाडौं। खोटाङको जन्तेढुंगा गाउँपालिका-६, सोभेकी कल्पना राईको घर, गोठ र ग्वालीमा आगलागी भएको छ।</p>
<p>आगो ग्वालीबाट सल्किएको हो। जिल्ला प्रहरी कार्यालय खोटाङका अनुसार शनिबार बिहान भएको आगलागीबाट कल्पनाको घर, ग्वाली, गोठ, अन्नपात, भाँडावर्तन लगायतका सामान जलेर खरानी भएको छ।</p>
<p>आगलागीबाट करिब १० लाख ६४ हजार ५०० रूपैयाँ बराबरको धनमाल जलेर नष्ट भएको छ ।<br />
<br />
यस्तै बाँकेको नरैनापुर गाउँपालिका–६ कोदखेटुवाका रमेश यादव लगायत पाँचजनाको गोठमा शनिबार दिउँसो आगलागी हुँदा पाँचैजनाको गोठ र सामान जलेर नष्ट भएको छ।</p>
<p>करिब २ लाख ९६ हजार रूपैयाँ बराबरको धनमाल नष्ट भएको जिल्ला प्रहरी कार्यालय बाँकेले जनाएको छ।</p>
<p>स्थानीय बासिन्दाको सहयोगमा आगलागी नियन्त्रणमा आएको हो। <br />
</p>
प्रतिक्रिया दिनुहोस्
.jpg)
