सल्यानमा जीप दुर्घटना, तीन जनाको मृत्यु
<p>सल्यान। सल्यानमा आज बेलुका जीप दुर्घटना हुँदा तीन जनाको मृत्यु भएको छ।</p>
<p>दाङको तुल्सीपुरबाट रोल्पाको सुखाओढार जाँदै गरेको लु १ ज २९११ नम्बरको जीप सल्यानको छत्रेश्वरी गाउँपालिका-४ दिवागघारीमा दुर्घटना हुँदा चालकसहित तीन जनाको घटनास्थलमै मृत्यु भएको हो।</p>
<p>दुर्घटनामा परी मृत्यु हुनेमा गंगादेव गाउँपालिका-७ निवासी ३५ वर्षीय जीपख चालक भीमबहादुर वली, सोही ठाउँका १७ वर्षीय भिमराज बुढा र गंगादेव गाउँपालिका-५ निवासी ६५ वर्षीय गजबहादुर बुढा रहेको जिल्ला प्रहरी कार्यालयले जनाएको छ।</p>
<p>जीपमा सवार अन्य पाँच जना भने सुकशल रहेको जिल्ला प्रहरी कार्यालयका प्रवक्ता प्रहरी निरीक्षक लक्ष्मण वलीले जानकारी दिए।</p>
<p>प्रहरी घटनास्थल पुगेर घटनाको अनुसन्धान गरिरहेको प्रहरीले जनाएको छ। मृतक तीनै जनाको शव पोस्टमार्टमका लागि सल्यान अस्पतालमा राखिएको प्रहरीले जनाएको छ।</p>
<p>दुर्घटनाको कारण खुल्न नसके पनि तीव्र गतिका कारण दुर्घटना भएको हुनसक्ने प्रहरीको अनुमान छ। <em>रासस </em></p>
प्रतिक्रिया दिनुहोस्
.jpg)
