कुटपिट गरी घाइते बनाएको आरोपमा ६ जना पक्राउ
<p style="text-align: justify;">काठमाडौं । दाङको घोराहीमा कुटपिट गरी एक युवकलाई घाइते बनाएको आरोपमा प्रहरीले ६ जनालाई पक्राउ गरेको छ।</p>
<p style="text-align: justify;">पक्राउ परेकामध्ये घोराही उपमहानगरपालिका-१६ बयरबुटाका प्रवीण चौधरीको मात्रै प्रहरीले पहिचान खुलाएको छ। अन्यको खुलाइएको छैन।</p>
<p style="text-align: justify;">सोही उपमहानगरपालिकाको वडा नम्बर १० नारायणपुरका १८ वर्षीय निराजन चौधरीलाई कुटपिट गरी घाइते बनाएको प्रवीणसहित १० जनामाथि आरोप लागेको छ।</p>
<p style="text-align: justify;">उनीहरूले घोराही उपमहानगरपालिका-१५ पाठक चोकमा बिहीबार निराजनलाई कुटपिट गरी घाइते बनाएको वडा प्रहरी कार्यालय घोराहीले जनाएको छ।</p>
<p style="text-align: justify;">कुटपिटमा संलग्न अन्य चार जनालाई पनि प्रहरीले खोजिरहेको छ। उनीहरू फरार छन्।</p>
<p style="text-align: justify;">घाइते निराजनलाई उपचारका लागि राप्ती स्वास्थ्य विज्ञान प्रतिष्ठान घोराही पठाइएको प्रहरीले जनाएको छ।</p>
.jpg)
