नवलपरासीमा पुजारीको हत्या
<p style="text-align: justify;">परासी। नवलपरासी (बर्दघाट सुस्ता पश्चिम)मा धारिलो हतियार प्रयोग गरी हत्या गरिएका अवस्थामा एक पुरुषको शव फेला परेको छ।</p>
<p style="text-align: justify;">सुस्ता गाउँपालिका-४ नर्सहीस्थित पच्छिमडारी बस्ने ७५ वर्षीय महगु केवटको शव आज फेला परेको हो।</p>
<p style="text-align: justify;">केवट स्थानीय मन्दिरका पुजारी थिए। उनको आफ्नै कुटी नजिकै धारिलो हतियार प्रयोग गरी हत्या गरिएको र हत्याराको खोजी भइरहेको प्रहरीले जनाएको छ।</p>
<p style="text-align: justify;">घटनाका विषयमा थप अनुसन्धान सुरु गरिएको जिल्ला प्रहरी कार्यालय परासीका सूचना अधिकारी प्रहरी नायव उपरीक्षक राजु लामाले जानकारी दिए। <em>रासस</em><br />
</p>
.jpg)
