ढुंगाले हानी हत्या गरेको अभियोगमा पक्राउ
<p style="text-align: justify;">काठमाडौं । ढुंगाले हानी हत्या गरेको आरोपमा नुवाकोटको बेलकोटगढी नगरपालिका–१३ डाँडाकटेरीका कृष्णप्रसाद पाण्डे पक्राउ परेका छन्।</p>
<p style="text-align: justify;">उनलाई सोही ठाउँका विष्णु थापालाई ढुंगाले हानी हत्या गरेको आरोप लागेको छ।</p>
<p style="text-align: justify;">प्रहरी चौकी तादिपुलबाट खटिएको प्रहरी टोलीले उनलाई शनिबार साँझ पक्राउ गरेको हो।</p>
<p style="text-align: justify;">धादिङ प्रहरीका अनुसार पाण्डेले थापालाई ६ महिना अगाडि नगद लेनदेनको विषयमा विवाद हुँदा ढुंगाले हानी गम्भीर घाइते बनाएका थिए।</p>
<p style="text-align: justify;">उपचारका लागि जिल्ला अस्पताल त्रिशूली लैजाँदै गर्दा थापाको बाटोमै मृत्यु भएको थियो।</p>
<p style="text-align: justify;">उनीविरूद्ध प्रहरीले कर्तव्य ज्यान मुद्दामा अनुसन्धान थालेको छ।</p>
.jpg)
