मुलुकको आर्थिक वृद्धिका लागि सबै क्षेत्रमा परिवर्तन आवश्यक छ : प्रधानमन्त्री मोदी
<p>मैसुरू। भारतका प्रधानमन्त्री नरेन्द्र मोदीले देशको आर्थिक वृद्धिका लागि सबै क्षेत्रमा परिवर्तन आवश्यक भएकोमा जोड दिएका छन्। </p>
<p>उनले सबै क्षेत्रको विकास गर्दै मुलुकको आर्थिक वृद्धिदर बढाएर यो दशकलाई भारतको दशक बनाउन आह्वान पनि गरे।</p>
<p>"पछिल्लो ६-७ महिनामा विभिन्न क्षेत्रको पुनर्संरचनाको गति हेर्दा बढ्दै गएको देखिन्छ, कृषि, रक्षा, उड्डयन, श्रमलगायतका क्षेत्रमा त्यस्तो देखिएको छ," उनले भने।</p>
<p>प्रधानमन्त्री मोदीले यी सबै क्षेत्रले देशको आर्थिक वृद्धिका लागि सहयोग गर्न आवश्यक रहेको बताए।</p>
<p>मैसुरु विश्वविद्यलयको एक कार्यक्रमलाई सोमबार भिडिओमार्फत् सम्बाेधन गर्दै प्रधानमन्त्री मोदीले युवाहरुले सबै क्षेत्रको पुनर्संरचना गर्दै देशलाई ठूलो योगदान गर्न सक्ने विश्वास व्यक्त गरे।</p>
<p>"यस दशकमा हामीले देशको सबै क्षेत्रको जगलाई बलियो बनाउन आवश्यक छ, त्यो गर्न अहिले युवाहरुलाई ठूलो अवसर पनि छ," उनले भने।</p>
<p>उनले कर्नाटक प्रदेशका विभिन्न क्षेत्रमा आएको बाढी पहिरो र त्यसले पुर्‍याएको क्षतिप्रति गहिरो दुःख व्यक्त गरे। सबै प्रभावित र पीडितहरुका लागि प्रान्तीय सरकार र केन्द्रीय सरकारसँगसगै रहेको पनि उनले बताए।</p>
<p>अत्यावश्यक र सक्दो सहयोग उनीहरुलाई दुवै सरकारको तर्फबाट हुने पनि प्रधानमन्त्री मोदीले आश्वासन दिए।</p>
<p>देशको विकास र शिक्षाको उपयोगिताका लागि शिक्षाले सीप, पुनर्सीप र सीपको वृद्धिमा जोड दिनुपर्ने बताए। <em>रासस</em></p>
प्रतिक्रिया दिनुहोस्
.jpg)
