अफगानिस्तानमा झडप: सात सैनिक र पाँच तालिबानको मृत्यु
<p>एजेन्सी। अफगानिस्तानको उत्तरी प्रान्त कुन्दुजको सहिब जिल्लामा शनिबार राति अफगानिस्तानको सुरक्षा अधिकारी र तालिबानी लडाकूहरुबीच भएको झडपमा परी सात जना सैनिक मारिएका छन्।</p>
<p>सो झडपमा परेर अरु कम्तीमा पनि पाँच जना तालिबानी लडाकूको मृत्यु भएको एक स्थानीय अधिकारीले आइतबार पुष्टि गरेका छन्।</p>
<p>कुन्दुज प्रान्तको इमाम साहिब जिल्लामा भएको झडपमा परी ती सैनिक मारिएका अन्तर्राष्ट्रिय सञ्चारमाध्यमहरूले जनाएका छन्।</p>
<p>उनीहरूका अनुसार उक्त क्षेत्रमा रहेको सुरक्षा जाँच चौकीमा ठूलो संख्यामा आएका लडाकूहरूले हातहतियारले आक्रमण गरेपछि दोहोरो भिडन्त भएको थियो।</p>
<p>सो भिडन्तका क्रममा ती सैनिक मारिएका हुन्। झडपमा केही सैनिक घाइते भएको बताइएको छ।</p>
<p>उक्त जिल्लामा केही दिनयतादेखि तालिबानी लडाकूहरुले निरन्तर आक्रमण गर्दै आएका छन्।</p>
<p>कतारको दोहामा अफगान सरकार र तालिबानीबीच शान्ति वार्ता जारी रहेको छ। तर पनि यता भने तालिबानीहरुले आक्रमण गर्न छोडेका छैनन्।</p>
प्रतिक्रिया दिनुहोस्
.jpg)
