कैलालीमा असई विक मृत फेला
<p style="text-align: justify;">कैलाली। धनगढी उपमहानगरपालिका-१२ जुगेडास्थित अस्थायी प्रहरी चौकीका इञ्चार्ज प्रहरी सहायक निरीक्षक (असई) मृत फेला परेका छन् ।</p>
<p style="text-align: justify;">हिजो रातिदेखि बेपत्ता भएका असई गोविन्दबहादुर विकको शव आज बिहान सीमा नाकास्थित मोहना नदीमा फेला परेको हो।</p>
<p style="text-align: justify;">उनीसँगै गस्तीमा गएका प्रहरी जवान रामबहादुर साउँद भने फेला परेका छैनन्।</p>
<p style="text-align: justify;">चौकीबाट मोटरसाइकलमा राति साढे ८ बजे गस्तीमा निस्किएका दुवैजना साढे १० बजे देखि सम्पर्कविहीन भएका थिए।</p>
<p style="text-align: justify;"><img alt="" src="/uploads/editor/2020-10-18/052628325kailali ASI death2.jpg" /></p>
<p style="text-align: justify;">आज बिहान उनीहरूको खोजी गर्दा चौकीबाट एक किमीको दूरीमा उनीहरू चढेको मोटरसाइकल फेला परेको र करिब तीन किमीको दूरीमा रहेको मोहना नदीमा शव फेला परेको छ ।</p>
<p style="text-align: justify;">प्रहरी नायव महाननिरीक्षक उत्तम सुवेदीसहितको प्रहरीको टोली यतिबेला घटनास्थल पुगेको छ ।</p>
<p style="text-align: justify;">प्रहरीले तस्करहरूसँगको भीडन्तमा उनीहरू मारिएको हुन सक्ने आशंका गरेको छ।</p>
.jpg)
