सुदूरपश्चिमका तीन जिल्लामा नियमित हवाई सेवाका लागि उडान तालिका तय
<p style="text-align: justify;">कैलाली। धनगढीबाट सुदूर पहाडका तीन जिल्ला डोटी, बैतडी र बझाङमा नियमित रूपमा हवाई सेवा सञ्चालन हुने भएको छ।</p>
<p style="text-align: justify;">उडान तालिकाको टुंगो लागेसँगै समिट एअरले डोटीको दीपायल, बैतडीको पाटन र बझाङको चैनपुर विमास्थलमा नियमित हवाई सेवा सञ्चालन गर्ने जनाएको छ।</p>
<p style="text-align: justify;">धनगढी विमानस्थलका प्रमुख तेजबहादुर बुढथापाका अनुसार समिट एअरले धनगढीबाट डोटी र बझाङ मंगलबार र शुक्रबार तथा बैतडीका लागि मंगलबार उडान भर्नेछ। </p>
<p style="text-align: justify;">समिटले धनगढीबाट बाजुराका लागि भने यसअघिदेखि नै उडान भरिरहेको छ।</p>
<p style="text-align: justify;">त्यसैगरी अछामको साफे विमानस्थलका लागि समेत धनगढीबाट उडान गर्ने र त्यसका लागि उडान तालिका र भाडादर निर्धारणको गृहकार्य भइरहेको एअरलाइन्सले जनाएको छ। </p>
.jpg)
