Others

गृहपृष्ठ

६ जना सङ्क्रमित देखिएपछि चीनको क्विन्डाओ सहरका सबैको कोरोना परीक्षण गरिँदै काठमाडौं। चीनको पूर्वी तटीय सहर क्विन्डाओमा छ जनामा कोरोना भाइरसको लक्षण देखिएको भन्दै पाँच दिनभित्र त्यहाँका सबै ९० लाखभन्दा बढी नागरिकको कोरोना परीक्षण गर्ने चिनियाँ अधिकारीहरुले बताएका छन्। पूरै सहरका बासिन्दाको परीक्षण गर्न लागिएको यो पहिलो पटक हो। वुहानमा कोरोनाभाइरस पहिलो पटक देखिएको चीनले यसलाई नियन्त्रणमा ल्याइसकेको बताएको छ। विश्वका विभिन्न क्षेत्रमा सरकारहरुले लकडाउन गरे पनि कोरोना संक्रमितको संख्या दिनानुदिन बढ्दै गएको छ।  आइतबार क्विन्डाओमा छ जनामा कोरोना पुष्टि भएको थियो। क्विन्डाओ सहरमा ९४ लाखको बसोबास छ। पाँच वटा जिल्लामा तीन दिनभित्र परीक्षण गरिने र पूरै सहर पाँच दिनभित्र परीक्षण गरिने क्विन्डाओ नगरका स्वास्थ्य अधिकारीले बताएका छन्।  तर ती अधिकारीले सहरका कति मानिसको परीक्षण हुनेछ भन्ने खुलाएका छैनन्।  चीनमा व्यापक र तीब्र परीक्षण गर्ने क्षमता छ। स्वास्थ्य आयोगले १ लाख ४० हजारभन्दा बढी स्वास्थ्यकर्मी, नयाँ भर्ना भएका बिरामी र सुरक्षाकर्मीको परीक्षण गरिसकेको जनाएको छ।  गत जुन महिनामा बेइजिङको ठूलो क्षेत्रमा व्यापक परीक्षण गरिएको थियो। खाद्य बजारमा केही व्यक्तिमा कोरोना देखिएसँगै करिब २ करोडभन्दा बढी जनसंख्या रहेको बेइजिङका हटस्पटमा परीक्षण गरिएको थियो।  चीनले कोरोनाभाइरस नियन्त्रणका लागि कडा लकडाउन जारी गर्नुका साथै कोरोना परीक्षणलाई व्यापक बनाएको थियो। जसका कारण विश्वकै दोस्रो ठूलो अर्थतन्त्र भएको चीनमाथि दबाब उत्पन्न भएको थियो। तर, अहिले चीनले आर्थिक गतिविधिलाई पुनः पहिलेकै अवस्थामा पु–याउन लागिसकेको छ । गत साता राष्ट्रिय विदाका अवसरमा देशव्यापी रुपमा करोडौं नागरिक छुट्टी मनाउन अन्यत्र गएका थिए।  चीनले पछिल्लो समय कोरोनाभाइरसको खोप निर्माणलाई पनि तLब्रता दिएको छ। चीनका धेरै कम्पनी खोप निर्माणको अन्तिम चरणमा पुगिसकेका छन्।

प्रतिक्रिया दिनुहोस्