टीकापुरमा टोल सुरक्षा समिति गठन
<p style="text-align: justify;">टीकापुर। कैलालीको टीकापुरमा समुदायमा शान्ति सुरक्षा कायम गर्न टोल सुरक्षा समिति गठन गर्न थालिएको छ।</p>
<p style="text-align: justify;">टोलको सुरक्षाको जिम्मा स्थानीयलाई नै दिने उद्देश्यका साथ टीकापुर नगरपालिका र इलाका प्रहरी कार्यालय टीकापुरको सहकार्यमा धमाधम समिति गठन थालिएको हो।</p>
<p style="text-align: justify;">प्रहरीले स्थानीय नागरिकसंँग शान्ति सुरक्षाका क्षेत्रमा सहकार्य गर्ने, कुनै घटना भए अनुसन्धानमा सहयोग होस् भन्ने उद्देश्यका साथ यो अभियान थालेको हो।</p>
<p style="text-align: justify;">टोल सुरक्षा समिति शान्ति सुरक्षामा बढी केन्द्रित हुनेछन्। स्थानीय परिवेशअनुसार समिति गठन हुन्छ।</p>
<p style="text-align: justify;">वडाको भौगोलिक समस्या हेरेर, जनसङ्ख्याका हिसाबले पनि हुनेछ। हरेक वडामा १० भन्दा बढी समिति हुनेछन्। </p>
<p style="text-align: justify;">प्रहरी र नगरपालिका मिलेर थालेको यो अभियानअन्तर्गत अहिलेसम्म वडा १, ४,८,६मा वडा र टोल सुरक्षा समिति गठन भइसकेका छन्। अन्य वडामा गठन कार्य चलिरहेको छ।</p>
<p style="text-align: justify;">टोल सुरक्षा समिति वडास्तरीय ९ वटा र हरेक वडामा १० भन्दा माथि टोल सुरक्षा समिति गठन हुनेछन्।</p>
<p style="text-align: justify;">वडा १ को जनसङ्ख्या र क्षेत्रफल धेरै रहेकाले यहाँ २२ वटा समिति गठन भएका छन्। नगरपालिकाभरि सयभन्दा बढी समिति गठन हुने देखिएको छ।</p>
<p style="text-align: justify;">टीकापुर नगरपालिका नगरप्रमुख तपेन्द्रबहादुर रावल ९ वटै वडाध्यक्षसँगको छलफलपछि सबै वडामा यो अभियान थालिएको जानकारी दिए। <em>रासस</em></p>
.jpg)
