गुल्मीमा छोराले गरे बाबुको हत्या
<p>तम्घास। गुल्मीमा आफ्नै छोराको कुटपिटबाट बुबाको मृत्यु भएको छ। </p>
<p>इस्मा गाउँपालिका-४ दोहोलीका अनिलको कुटाइबाट ६० वर्षीय बुबा दिलबहादुर बस्नेतको मृत्यु भएको हो। </p>
<p>हिजो साँझ ६ बजेतिर घरमै बुबालाई छोराले कुटपिट गरेको जिल्ला प्रहरी कार्यालयका सूचना अधिकारी जनकराज पन्थले बताए। घाइते बस्नेतलाई थप उपचारका लागि साँझ नै तम्घास अस्पताल ल्याइएको थियो।</p>
<p>मुख र छातीमा गम्भीर चोट लागेका दिलबहादुरलाई तम्घास अस्पतालले मिसन अस्पताल पाल्पा रिफर गर्‍यो तर मिसन अस्पतालले प्रवास अस्पताल र प्रवास अस्पतालले प्रादेशिक अस्पताल बुटवल रिफर गरेको थियो। </p>
<p>अस्पताल डुलाउँदा डुलाउँदै आज बिहान ४ बजे बस्नेतको मृत्यु भएको प्रहरीले जनाएको छ। छोरा अनिल भने घटनालगत्तै फरार छन्। </p>
प्रतिक्रिया दिनुहोस्
.jpg)
