नेपाली नागरिकको हत्या आरोपमा भारतमा चारजना पक्राउ
<p style="text-align: justify;">काठमाडौं। भारतमा नेपाली नागरिक भरत थापाको हत्या गरेको आरोपमा चारजना पक्राउ परेका छन्। </p>
<p style="text-align: justify;">महाराष्ट्रको कल्यान सहरबाट उनीहरूलाई स्थानीय प्रहरीले पक्राउ गरेको हो।</p>
<p style="text-align: justify;">उनीहरूले १८ वर्षीय थापालाई कुटेर मारेको प्रहरीको प्रारम्भिक अनुसन्धानले देखाएको भारतीय अखबार टाईम्स अफ इण्डियाले आफ्नो समाचारमा उल्लेख गरेको छ। </p>
<p style="text-align: justify;">थापाको हत्याको आरोपमा पक्राउ परेकामा दिपेश रासल, गणेश फ्युलोर, विशाल पाटिल र नयन पाटिल रहेका छन्। थापाको हत्या भएको ६ दिनपछि उनीहरू पक्राउ परेका हुन्।</p>
<p style="text-align: justify;">थापाले मोटरसाइकल चोरेको आशंका गरिएको छ। चोरी भएको मोटरसाइकल थापाले काम गर्ने ठाउँको बाहिर भेटिएको थियो।</p>
<p style="text-align: justify;">१२ जनाको समूहले थापालाई उठाई अन्यत्र लगि कुटपिट गरी मारेको आशंका प्रहरीले गरेको छ। आरोपितमध्ये ८ जनाको खोजी भइरहेको प्रहरीले जनाएको छ। </p>
.jpg)
