एशियन अनलाइन बुद्धिचालमा नेपालका १० खेलाडीले भाग लिने
<p style="text-align: justify;">काठमाडाैं। एशियन अनलाइन नेशन्स बुद्धिचाल कप, २०२० मा नेपालका १० खेलाडीले भाग लिने भएका छन्।</p>
<p style="text-align: justify;">नेपाल बुद्धिचाल संघले उक्त प्रतियोगिताका लागि फिडे रेटिङ, राष्ट्रिय प्रतियोगिता तथा छनोटमार्फत पाँचपाँच पुरूष र महिला खेलाडी छनोट गरेको हो। </p>
<p style="text-align: justify;">छनोट हुनेमा पुरुषोत्तम चौलागाईँ, विवेक लामा, केशव श्रेष्ठ, सुमित पन्त, छितिज भण्डारी, सुजना लोहनी, इन्दिरा जोशी, अनिशा न्यौपाने, कृतिसारा अधिकारी र पुनम रपासैन छन्।</p>
<p style="text-align: justify;">छनोट खेलमा महिला तथा पुरुष गरी २९ खेलाडीले भाग लिएका थिए।</p>
<p style="text-align: justify;">एशियाली बुद्धिचाल महासंघले पहिलो पटक उक्त प्रतियोगिता आयोजना गर्न लागेको हो।</p>
<p style="text-align: justify;">एशियन अनलाइन नेशन्स बुद्धिचाल कप यही असोज २४ देखि आगामी कात्तिक ९ गतेसम्म चल्ने महासंघले जनाएको छ।</p>
<p style="text-align: justify;">उक्त प्रतियोगितामा नेपाली खेलाडीले भुटान, बङ्गलादेश, पाकिस्तान, माल्दिभ्स र श्रीलङ्काली खेलाडीसँग प्रतिस्पर्धा गर्नेछन्। </p>
.jpg)
