अफगानिस्तानमा भूमिगत बारुदी सुरुङ बिस्फोट हुँदा १५ जनाको मृत्यु
<p>एएनआई/काबुल। मध्य अफगानिस्तानको डेकुन्डी प्रान्तमा भएको बम बिस्फोटमा कम्तीमा १५ जनाको मृत्यु भएको अफगान गृह मन्त्रालयले जनाएको छ।</p>
<p>गृह मन्त्रालयका प्रवक्ता तारिक आरियनका अनुसार डकुन्डीको कर्जान जिल्लामा तालिबान लडाकू समूहले बिछ्याएको भूमिगत बारुदी सुरुङ बिस्फोटबाट ठूलो क्षति पुगेको हो।</p>
<p>उनले बिस्फोटबाट मारिनेहरुमा अधिकांश महिला र बालबालिका रहेको जानकारी दिए। तालिबान समूहले भने उक्त घटनाका बारेमा केही बताएको छैन।</p>
<p>अफगान सरकार र तालिबानबीच कतारको राजधानी दोहामा वार्ता जारी रहेकै अवस्थामा सशस्त्र भिडन्त र बम बिस्फोटनका घटना रोकिएका छैनन्।</p>
<p>अन्तर–अफगान वार्ता गत सेप्टेम्बर १२ देखि जारी छ। दुबै पक्षले अफगानिस्तानमा जारी लामो सशस्त्र द्वन्द्व अन्त्य गर्ने उद्देश्यले दिर्घकालीन युद्धबिराम गर्न प्रयासरत रहेको बताएका छन्।</p>
प्रतिक्रिया दिनुहोस्
.jpg)
