भारतबाट अवैध तरिकाले ल्याउँदै गरिएका साढे १७ लाखको राँगा नियन्त्रणमा
<p>सुनसरी। सुनसरी नगरपालिका–४ स्थित वसपार्कबाट करिब १७ लाख ५० हजार रुपैयाँ बराबरको २१ वटा राँगा र १ वटा पाडी सहित ईनरुवा–४ बस्ने २८ वर्षीय राजकुमार मण्डललाई प्रहरीले पक्राउ गरेको छ।</p>
<p>अवैध रुपमा भारतबाट प्र–१–०–२००१ ख ८१५६ नम्बरको मिनि ट्रकमा ल्याउँदै गरेको उक्त राँगा र पाडी सहित ट्रक चालक मण्डललाई जिल्ला प्रहरी कार्यालय सुनसरीबाट खटिएको प्रहरीले पक्राउ गरेको हो। </p>
<p>बरामद रागा र पाडी सहित उनलाई आइतबार सुनसरी भन्सार कार्यालय सेतुवन्ध कोशी व्यारेजमा पठाइएको जिल्ला प्रहरी कार्यालय सुनसरीले जनाएको छ।</p>
प्रतिक्रिया दिनुहोस्
.jpg)
