पछिल्लो चौबिस घण्टामा ८ जना मृत अवस्थामा फेला
<p>काठमाडौं। पछिल्लो चौबिस घण्टामा देशका विभिन्न स्थानमा ८ जना मृत अवस्थाम फेला परेका छन्। प्रहरीका अनुसार उनीहरु पर्सा, सप्तरी, बैतडी, सिन्धुली, चितवन, रुपन्देही, मकवानपुर र कैलालीमा मृत अवस्थामा फेला परेका हुन्। </p>
<p>पर्साको पटेर्वासुगौली गाउँपालिका–२ स्थित शिवमजित फर्मा प्रालिमा काम गर्ने उदयपुर गढी गाउँपालिका–६ बस्ने २० वर्षीय विक्रम तामाङ सोही गाउँपालिका–२ स्थित काँशघारीको जमेको पानीमा मृत अवस्थामा फेला परेका छन्।</p>
<p>सप्तरीको तिलाठी कोइलाडी गाउँपालिका–५ बनरझुलास्थित कोशी नदीमा पहिचान नखुलेका करिब ५० वर्षीय पुरुष मृत अवस्थामा फेला परेका छन्।</p>
<p>बैतडीको पुर्चौडी नगरपालिका–३ तोलीगाउँ बस्ने ४० वर्षीय पदम बोहरा सोही नगरपालिका–१ लामाधार भन्ने स्थानमा मृत अवस्थामा फेला परेका छन्।</p>
<p>सिन्धुलीको दुधौली नगरपालिका–२ बलिन्टार बस्ने ६५ वर्षीय बेचु माझी सोही नगरपालिका–१ कमला नदीमा मृत अवस्थामा फेला परेका छन्।</p>
<p>चितवनको भरतपुर महानगरपालिका–११ बस्ने ४५ वर्षीय हरि प्रसाद चौलागाई घरदेखि करिब २ सय मिटर टाढा खेतको पानीमा मृत अवस्थामा फेला परेका छन्।</p>
<p>रुपन्देहीको बुटवल उपमहानगरपालिका–१२ दुर्गानगर बस्ने ४५ वर्षीया कल्पना कार्की सोही उपमहानगरपालिका–१५ चम्खीपुरस्थित दानव नदी खोलामा मृत अवस्थामा फेला परेकी छन्।</p>
<p>मकवानपुरको कैलाश गाउँपालिका–५ तारुके बस्ने ३७ वर्षीय धावा स्याङतान सोही गाउँपालिका–५ स्थित कालीखोला छेउमा मृत अवस्थामा फेला परेका छन्।</p>
<p>कैलालीको धनगढी उपमहानगरपालिका–१४ खुटीया खोलामा सुर्खेत लेकबेशी नगरपालिका–९ घर भएका २१ वर्षीय राजकुमार सारुमगर मृत अवस्थामा फेला परेका छन्।</p>
<p>घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ।<br />
</p>
प्रतिक्रिया दिनुहोस्
.jpg)
