६० वर्षीया वृद्धाको हत्या आरोपमा पक्राउ
<p>तनहुँ। शुक्लागण्डकी नगरपालिका–७ कुम्लेखोला बस्ने ६० वर्षीया तेज कुमारी ढकालको हत्या गरेको आरोपमा गोरखा भिमसेन थापा गाउँपालिका–१ बसेनी बस्ने ४६ वर्षीय शिव गौतमलाई प्रहरीले पक्राउ गरेको छ।</p>
<p>शुक्रबार बिहान ढकाल आफ्नै घरभित्र मृत अवस्थामा फेला परेकोमा थप अनुसन्धान गर्ने क्रममा धारिलो हतियार प्रहारबाट मृत्यु भएको खुलेको थियो।</p>
<p>त्यसपछि उक्त घटनामा संलग्नको खोजी गर्न खटिएको स्थानीय प्रहरीले व्यास नगरपालिका–२ सहिद गेटमा हुलिया परिवर्तन गरी हिँडिरहेको अवस्थामा गौतमलाई फेला पारी पक्राउ गरेको हो।</p>
<p>घटनाका सम्बन्धमा प्रहरीले थप अनुसन्धान गरिरहेको छ।<br />
</p>
प्रतिक्रिया दिनुहोस्
.jpg)
