५ दिनसम्म बन्धक बनाई १६ वर्षीया किशोरीमाथि सामूहिक बलात्कार: थप दुई आरोपी पक्राउ
<p>कैलाली। कञ्चनपुरमा सामूहिक बलात्कारमा संलग्न भएको आरोपमा प्रहरीले थप दुई जनालाई पक्राउ गरेको छ।</p>
<p>गत भदौँमा बेल्डाडी गाउँपालिकामा १६ वर्षीया किशोरीलाई बन्धक बनाएर सामूहिक बलात्कार गरेको आरोपमा बेल्डाडीकै १९ वर्षीय प्रकाश विष्ट र ३२ वर्षीय नरेन्द्र विष्टलाई पक्राउ गरिएको जिल्ला प्रहरी कार्यालय कंचनपुरका प्रवक्ता प्रहरी नायब उपरीक्षक अमरबहादुर थापाले बताए।</p>
<p>उनले दुवै जनालाई बेल्डाडी क्षेत्रबाटै पक्राउ गरिएको जानकारी दिएका छन्।</p>
<p>यसअघि सामूहिक बलात्कारमा संलग्न भएको आरोपमा बेल्डाडीकै २२ वर्षीय युवक सुरज साउदसहित तीन जनालाई प्रहरीले पक्राउ गरिसकेको छ।</p>
<p>उक्त घटनाको अनुसन्धानमा लापरवाही गरेको भन्दै ईलाका प्रहरी कार्यालय बेल्डाडीमा कार्यरत प्रहरी जवान रोहित रोकायालाई कारबाही गरिएको थियो।</p>
<p>गत भदौ १९ गते बेल्डाडीकी १६ वर्षीया किशोरीले ५/६ जना युवाहरूले आफूलाई १४ गतेदेखि ५ दिनसम्म बन्धक बनाई बलात्कार गरेको उजुरी दिएकी थिइन्।</p>
प्रतिक्रिया दिनुहोस्
.jpg)
