पहिराेले बेपत्ता भएका पाँचैजनाको शव भेटियो
<p style="text-align: justify;">पाल्पा। रम्भा गाउँपालिका-२, बेलौजामा बिहीबार बिहान पहिराेले घर पुरिँदा बेपत्ता भएका पाँचजनाको शव भेटिएको छ। </p>
<p style="text-align: justify;">गएराति थप दुईजनाको शव भेटिएको हो। शुक्रबार दिउँसो तीनजनाको शव भेटिएको जिल्ला प्रहरी कार्यालयका सूचना अधिकारी मदन गिरीले जानकारी दिए।</p>
<p style="text-align: justify;">घरमूली ६० वर्षीय हुमबहादुर गाहा र उनकी श्रीमती ५० वर्षीया हुमीसरा गाहाको शव भेटिएको उनले बताए। </p>
<p style="text-align: justify;">शुक्रबार दिउँसो कृष्णमाया गाहा, लक्ष्मी गाहा, र खुसीसारा आलेको शव भेटिएको गाउँपालिका अध्यक्ष विष्णु भण्डारीले बताए।</p>
<p style="text-align: justify;">वर्षाका कारण बिहीबार खोजी कार्य हुन सकेको थिएन।</p>
<p style="text-align: justify;">शुक्रबार बिहानदेखि नै नेपाल प्रहरी, सशस्त्र प्रहरी बल, नेपाली सेना र स्थानीयवासीाको सक्रियतामा खोजी कार्य भएपछि शव भेटिएको हो। <em>रासस</em></p>
.jpg)
