पहिरोमा परेर एक जनाको मृत्यु, ६ जना घाइते
<p>नवलपरासी(पूर्व)। बिनयी त्रिवेणी गाउँपालिका-२ विश्वकर्मा मन्दिरस्थित सडकमा पहिरो जाँदा ना५ ख ७९४० नम्बरको बस सडकबाट करिब ३० मिटर तल खस्दा बसमा सवार रुकुम पश्चिम आठबिसकोट गाउँपालिका-१० बस्ने २५ वर्षीय हरिषचन्द्र केसीको मृत्यु भएको छ।</p>
<p>उक्त स्थानमा पहिरो गएको भन्ने खबर प्राप्त हुनासाथ ईलाका प्रहरी कार्यालय नयाँबेलहनीबाट खटिएको प्रहरीले केसीलाई उद्धार गरी उपचारका लागि पुरानो मेडिकल कलेज भरतपुर पठाएको थियो। उपचारको क्रममा उनको मृत्यु भएको हो।</p>
<p>पहिरोमा परेर घाइते भएका बसमा सवार अन्य ६ जनाको सोही मेडिकल कलेजमा उपचार भइरहेको छ।</p>
प्रतिक्रिया दिनुहोस्
.jpg)
