खोलाले जीप बगाउँदा चालककाे मृत्यु, विद्युत प्राधिकरण तौलिहवाका प्रमुखसहित दुई जना बेपत्ता
<p>काठमाडाैं। नेपाल विद्युत प्राधिकरण तौलिहवा वितरण केन्द्रका प्रमुखसहित ६ जना सवार जीपलाई खोलाले बगाएको छ।<br />
<br />
बाणगंगा नगरपालिका वडा नम्बर ७ र ९ को सीमामा पर्ने कोइली खोलामा रहेको कजवे तर्ने क्रममा बा ञ १०८९ नम्बरको जीप खाेलाले बगाएको हो।</p>
<p>जिल्ला प्रहरी कार्यालय कपिलवस्तुका प्रहरी प्रमुख तथा प्रहरी उपरीक्षक नवराज अधिकारीले खोलाले जीप बगाउँदा विद्युत प्राधिकरण तौलिहवा वितरण केन्द्रका प्रमुख कृष्णप्रसाद पौडेल र स्थानीय केशवप्रसाद भाट बेपत्ता भएको बताएका छन्। उनीहरूको खोजी कार्य जारी रहेको उनले बताए।</p>
<p>जीपका चालक माधवप्रसाद पाण्डे मृत अवस्थामा फेला परेका छन्। अन्य तीन जना भने सकुशल रहेका छन्। उनीहरू विद्युतकै कामको सिलसिलामा कपिलधान जाँदै थिए।</p>
प्रतिक्रिया दिनुहोस्
.jpg)
