लमजुङमा चट्याङ लागेर एकजनाको मृत्यु, एक घाइते
<p>लमजुङ। लमजुङमा चट्याङ लागेर एकजनाको मृत्यु भएको छ।</p>
<p>सोमबार साँझ ५ः३० बजे चट्याङ परेर घाइते भएका बेँसीशहर नगरपालिका-६, पुमागाउँका ४२ वर्षीय सन्त विकको जिल्ला सामुदायिक अस्पतालमा उपचारका क्रममा साढे ८ बजे मृत्यु भएको प्रहरीले जनाएको छ।</p>
<p>विक ठूलोबुबाको घरमा बसेको बेला चट्याङ लागेर शरीरको विभिन्न भागमा चोट पुगी घाइते भएका थिए। </p>
<p>उनकाे उपचारका क्रममा अस्पतालमा मृत्यु भएको जिल्ला प्रहरी कार्यालय लमजुङका प्रहरी नायव उपरीक्षक गङ्गाबहादुर थापाले जानकारी दिए। </p>
<p>उनका अनुसार सोही वडामा बस्ने २२ वर्षीय चिजा गुरुङ सोही चट्याङ पर्दा घाइते भएका छन्। </p>
<p>घाइते भएपछि गुरुङलाई पनि जिल्ला सामुदायिक अस्पतालमा उपचारका लागि लगिएकाे प्रहरीको भनाइ छ।</p>
<p>प्रहरीका अनुसार घाइते गुरुङलाई खुट्टालगायत शरीरको विभिन्न भाग झमझमाउने र दुख्ने भइरहेको छ। </p>
प्रतिक्रिया दिनुहोस्
.jpg)
