जबर्जस्ती चन्दा संकलन गरिरहेको अवस्थामा दुईजना पक्राउ
<p>कास्की। पोखरा महानगरपालिका-६, हल्लनचोकबाट जबर्जस्ती चन्दा संकलन गरिरहेको अवस्थामा दुईजनालाई प्रहरीले पक्राउ गरेको छ।</p>
<p>पक्राउ पर्नेहरूमा उदयपुर त्रियुगा नगरपालिका-७, मोतीडाँडा घर भई हाल काठमाडौं तारकेश्वर नगरपालिका-७, मनमैंजु बस्ने रबिन केसी भन्ने २७ वर्षीय ध्वजबहादुर रावत र रोल्पा गंगादेवी गाउँपालिका–२ घर भई हाल काठमाडौं महानगरपालिका-१६ गोंगबु बस्ने २२ वर्षीय रामकुमार डाँगी छन्।</p>
<p>उक्त स्थानमा जबर्जस्ती चन्दा असुली गरिरहेको भन्ने विशेष सूचनाको आधारमा जिल्लाप्रहरी कार्यालय कास्की र वडा प्रहरी कार्यालय बैदामबाट खटिएको प्रहरीले उनीहरूलाई चन्दा बापत लिएको नगद एक लाख रूपैयाँ, चार थान मोबाइल, एक थान मोटरसाइकल र चन्दा उठाउन प्रयोग गरिएको एक थान रसिदसहित पक्राउ गरेको हो।</p>
<p>उनीहरूविरुद्ध चन्दा ऐनसम्बन्धी कसूरअन्तर्गत मुद्दा दर्ता गरी थप अनुसन्धान भइरहेको जिल्ला प्रहरी कार्यालय कास्कीले जनाएको छ।</p>
प्रतिक्रिया दिनुहोस्
.jpg)
