अवरुद्ध बेँशीशहरचामे सडक सञ्चालन
<p>काठमाडौैं। मङ्गलबार साँझबाट परेको अबिरल वर्षासँगै बुधबार बिहान आएको बाढीपहिराले अवरुद्ध बेँशीशहर­चामे सडक साँझ ८ बजेबाट पुन: सञ्चालनमा आएको छ।</p>
<p>पहिरोले अवरुद्ध लमजुङ र मनाङ जोड्ने बेँशीशहर­चामे सडक सडकखण्डको बेँशीशहर नगरपालिका­६ खरखरे भीरमा गएको पहिरो हटाएसँगै सडक पुन: सञ्चालनमा आएको डुम्रे­बेँसीशहर­चामे सडक योजना कार्यालय लमजुङले जनाएको छ।</p>
<p>खरखरे भीरमा सडकमाथिबाट पहिरो आउनुका साथै करिब २० मिटर सडक भासिएर अवरुद्ध भएको थियो। करिब छ घण्टा लगाएर डोजरले पहिरो हटाएको उक्त कार्यालयका सव­इन्जिनियर सुमन अधिकारीले बताए।</p>
<p>सडक तल भासिएकाले उकास्न असम्भव भएपनि सडकको भित्तापट्टिको भाग खोतलेर सडक बनाएर सवारी सञ्चालनमा ल्याएको उनको भनाइ छ।</p>
<p>यतिबेला सडक खुले पनि फेरि पानी आएमा अवरुद्ध बनाउन सक्नेछ । अवरुद्ध यस सडक करीब १५ घण्टापछि खुलेको हो।</p>
<p>त्यस्तै यस सडकअन्तर्गत यस नगरपालिकै वडा नं. ७ सहजीनिरको पुवाखोलामा समेत बाढी आएकाले यातायात अवरुद्ध बनाएको थियो।</p>
<p>बाढीले सडकमा ढुङ्गाहरु थुपारेर अवरुद्ध बनाएपनि सो स्थानमा समेत डोजरले ढुङ्गाहरु हटाएपछि दुबै स्थानको अवरोध हटेपछि सहजरुपमा सकड सञ्चालन भइरहेको कार्यालयका सव­इन्जिनियर अधिकारीको भनाइ छ।</p>
<p>सडक अवरुद्ध हुँदा रोकिएका ढुवानीदेखि आकस्मिक सेवाका सबै सवारीसाधनहरु सञ्चालनमा आएका छन्। ६५ किलोमिटरको यस सडकमा वर्षेनी वर्षायाममा सडकको विभिन्न स्थानमा पहिरो जाने र सडक भासिने गर्नाले समस्या हुँदै आएको छ।</p>
<p>रासस</p>
प्रतिक्रिया दिनुहोस्
.jpg)
