पाँच जना मृत अवस्थामा फेला
<p>काठमाडौं। उदयपुर, सिन्धुली, तनहुँ, सप्तरी र कञ्चनपुरमा पाँच जना मृत अवस्थामा फेला परेका छन्।</p>
<p>उदयपुरको रौतामाई गाउँपालिका-७ बस्ने ६० वर्षीया तिलमायाँ पुलामी मगर छौडिया खोलाको किनारमा मृत अवस्थामा फेला परेकी छन्।</p>
<p>सोही ठाउँस्थित मुरकुच्ची बजारबाट घर जाँदै गरेको अवस्थामा खोला तर्ने क्रममा मगरलाई खोलाले बगाएको थियो। त्यसपछि स्थानीय बासिन्दाले खोजी गर्ने क्रममा उक्त खोलाको किनारमा उनको शव फेला परेको हो।</p>
<p>सिन्धुलीको हरिहरपुरगढि गाउँपालिका-६ स्थित क्यानखोलामा सोही गाउँपालिका–८ बस्ने ३० वर्षीया बिबिमाया थिङ मृत अवस्थामा फेला परेकी छन्।</p>
<p>तनहुँको ब्यास नगरपालिका–१ तारी खोलाको किनारमा सोही नगरपालिका- हाईस्कुलटार बस्ने करिब १८ वर्षीय आकाश रिजाल मृत अवस्थामा फेला परेका छन्।</p>
<p>सप्तरीको राजविराज नगरपालिका–१५ मुसहरनियास्थित कोशी पम्प नहरको पुलमा हाल पहिचान नखुलेकी करिब ४५ वर्षीया महिला मृत अवस्थामा फेला परेकी छन्। </p>
<p>कन्चनपुरको भिमदत्त नगरपालिका–१२ ओदालीस्थित महाकाली नदीमा हाल पहिचान नखुलेका करिब ४० वर्षीय पुरुष मृत अवस्थामा फेला परेका छन्। </p>
<p>घटनाहरुका सम्बन्धमा स्थानीय प्रहरीले आवश्यक अनुसन्धान गरिरहेको छ।</p>
प्रतिक्रिया दिनुहोस्
.jpg)
