बलात्कार गरेको आरोपमा ५ जना पक्राउ
<p>काठमाडौं। झापा र उदयपुरमा भएका छुट्टाछुट्टै बलात्कारका घटनामा संलग्न रहेको आरोपमा प्रहरीले पाँच जनालाई पक्राउ गरेको छ।</p>
<p>२० वर्षीया महिलालाई बलात्कार गरेको आरोपमा झापा हल्दिबारी गाउँपालिका-५ बस्ने २७ वर्षीय सोमनाथ गौतम समेत ४ जनालाई प्रहरीले पक्राउ गरेको हो।</p>
<p>ती महिलालाई उनीहरुले बलात्कार गरेको भन्ने खबर प्राप्त हुनासाथ प्रहरी चौकी जलथलबाट खटिएको प्रहरीले पक्राउ गरेको हो।</p>
<p>२० वर्षीया महिलालाई बलात्कार गरेको आरोपमा उदयपुरको त्रियुगा नगरपालिका-१२ पुरानो गाईघाट बस्ने ४३ वर्षीय सूर्य बिश्वकर्मालाई प्रहरीले पक्राउ गरेको छ।</p>
<p>विश्वकर्माले ती महिलालाई जबरजस्ती करणी गरेको भन्ने खबर प्राप्त हुनासाथ जिल्ला प्रहरी कार्यालय उदयपुरबाट खटिएको प्रहरीले उनलाई पक्राउ गरेको हो।</p>
<p>घटनाहरुका सम्बन्धमा स्थानीय प्रहरीले थप अनुसन्धान गरिरहेको छ।</p>
प्रतिक्रिया दिनुहोस्
.jpg)
