जापानको नयाँ प्रधानमन्त्रीमा सुगा निर्वाचित
<p style="text-align: justify;">टाेक्याे। जापानको सत्तारुढ दल लिबरल डेमोक्रयाटिक पार्टीका प्रमुख योशिहिदे सुगा प्रधानमन्त्रीमा निर्वाचित भएका छन्। </p>
<p style="text-align: justify;">जापानको संसदमा बुधबार भएको निर्वाचनमा उनी अत्यधिक मतका साथ प्रधानमन्त्रीमा निर्वाचित भएका हुन्।</p>
<p style="text-align: justify;">जापानको संसदमा अहिले सुगाले नेतृत्व गरेको पार्टीको बहुमत रहेकाले पनि उनले संसदमा भएको निर्वाचनमा अत्यधिक मत पाएका हुन्। </p>
<p style="text-align: justify;">किसानको छोरा सुगा अहिले ७१ वर्षको भएका छन्। उनी सन् १९९१ मा प्रधानमन्त्री बनेका किचि मियाजावापछि सबैभन्दा पाको उमेरको प्रधानमन्त्री भएका छन्। </p>
<p style="text-align: justify;">प्रधानमन्त्रीका रुपमा निर्वाचित भएपछि उनले देश र जनताको लागि काम गर्न आफू सधैँ प्रतिबद्ध रहेको बताएका छन्। </p>
<p style="text-align: justify;">निवर्तमान प्रधानमन्त्री सिन्जाे आबेले केहीदिन अगाडि अस्वस्थताको कारण देखाउँदै प्रधानमन्त्री पद त्यागको घोषणा गरेका थिए।<em> रासस/एपी/एएनआई </em></p>
.jpg)
