चट्याङ लागेर दुई जनाको मृत्यु
<p>काठमाडौं। बाराको जितपुर सिमरा उपमहानगरपालिका-१४ बस्ने ४२ वर्षीय धर्म प्रसाद राय चौधरीको चट्याङ लागेर मंगलबार मृत्यु भएको छ।</p>
<p>सोही ठाउँस्थित दुधौरा खोलामा टायर गाडामा बालुवा लोड गरिरहेको अवस्थामा चट्याङ लाग्दा गम्भीर घाइते भएका उनको स्थानीय डुमरवाना पोली क्लिनिकमा उपचारको क्रममा मृत्यु भएको हो।</p>
<p>उनीसँगै चट्याङ लागेर घाइते भएका सोही ठाउँ बस्ने २७ वर्षीय तेतर माझीको सोही पोली क्लिनिकमा उपचार भइरहेको छ।</p>
<p>सुनसरीको देवानगञ्ज गाउँपालिका-६ रामगञ्ज सिनवारी बस्ने रञ्जित पासवानकी छोरी १३ वर्षीया सुष्मा पासवानको चट्याङ लागेर मंगलबार बिहान मृत्यु भएको छ।</p>
<p>खेतमा माछा मार्ने क्रममा चट्याङले लाग्दा गम्भीर घाइते भएकी उनलाई उपचारका लागि अस्पतालतर्फ लैजाने क्रममा बाटोमै मृत्यु भएको हो।</p>
<p>घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ।</p>
प्रतिक्रिया दिनुहोस्
.jpg)
